Чарговы сацыяльны праект ад “БелЗнешРэкламы”

Хтосьці жыве сучаснасцю, хтосьці - будучыняй, але, як вядома, ні першага, ні другога няма без мінулага. А наша мінулае — гэта, перш за ўсё, багатая гісторыя перамог і паражэнняў, значных дасягненняў і расчараванняў, за якімі стаяць выбітныя асобы Беларусі. На жаль, сення імёны большасці з іх альбо забываюцца, альбо ўжо забытыя.

Можна доўга высвятляць, чаму так адбываецца і хто вінаваты, а можна паспрабаваць выправіць дадзеную сітуацыю, што і зрабіла наша кампанія, калі запусціла чарговы сацыяльны праект пад назвай «Родныя даты”. Так, на вуліцах Мінска ўжо некалькі гадоў можна пабачыць білборды з выявай вялікай беларускай асветніцы Еўфрасінні Полацкай, жыццё якой — духоўны подзвіг у імя развіцця культуры і адукацыі суайчыннікаў.

А ў гэтым годзе, дзякуючы Антонію Бокуну, які ініцыяваў і выступіў спонсарам праекту, з’явіўся працяг гэтай тэматыкі. На білбордзе — Мікалай Радзівіл Чорны — дзяржаўны і вайсковы дзеяч Вялікага Княства Літоўскага, канцлер (з 1550 года), адначасна ваявода Віленскі (з 1551 года) і намеснік Вялікага князя (з 1561 года). Дзейнасць Мікалая Радзівіла Чорнага адыграла вялікую ролю ў развіцці мецэнацтва ў розных сферах культуры Вялікага Княства Літоўскага, найбольш у арганізацыі кнігадрукавання. Працяглае знаходжанне за мяжой і знаёмства з заходнееўрапейскай культурай спрыялі разуменню ролі кнігадрукавання ў грамадска-палітычным і культурным жыцці.

У 1563 годзе на сродкі М. Радзівіла выйшаў польскі пераклад поўнага зводу Бібліі, найбольшы паводле аб’ёму і адзін з найлепшых па мастацкіх і паліграфічных якасцях рэнэсансавага выдання. У гісторыю беларускага кнігавыдання ён увайшоў пад назвай «Берасьцейская, ці Радзівілаўская Біблія».

«Родныя даты” - гэта ўжо не першы наш сацыяльназначны праект. Некалькі гадоў таму назад у Мінску ўпершыню паявіліся білборды з выявамі ягад і іх назвамі на беларускай мове — праект «Смак беларускай мовы”.

А на працягу наступнага года ў Мінску, а таксама абласных і раённых цэнтрах Беларусі з’явіцца шэраг білбордаў, на якіх будуць адлюстраваны як знакамітыя постаці Беларусі, што зрабілі неацэнны унесак у развіццё беларускай гісторыі і культуры, так і значныя падзеі, якія паўплывалі на гісторыю нашай краіны.

Працяг праэкта:

У канцы 2015 года надрукаваны плакаты з Францыскам Скарынай.

Дызайнер: Сянько Вольга

Другие социальные проекты

В нашей компании можно заказать:

• Лайтбокс в аренду;
• печать баннера;
• настенные конструкции.

Заказать: Чарговы сацыяльны праект ад “БелЗнешРэкламы”

Ваше имя *

Номер телефона *

Ваш E-mail

Код с картинки